ठमेल यौनकर्मीका ग्राहक चिन्तामा
पर्यटकीय ठमेल क्षेत्रमा यौनजन्य गतिविधि बढेको खबर सञ्चार माध्यममा आएपछि प्रहरी नियन्त्रणका लागि सक्रियता बढाउदै लगेको छ ।सञ्चयकोष र ज्याठाका सडकमा यौनकर्मीको काक्लो उपस्थिति देखिने क्रम केही दिनयता कम भएको छ । खुलेआम यी क्षेत्रमा सार्वजनिक आवागमनमा बाधा पुग्ने गरी मोलमोलाइ गर्ने गतिविधि पनि कम हुदै गएको छ । केही दिनदेखि स्थानीय र पैदल यात्रुलाई टाउको निहुराएर हिंडिरहनु परेको छैन ।
ठमेलका पर्यटन व्यवसायी दीपेन्द्र अधिकारीले छोटो समयमा ठमेलमा देखिएका यी परिवर्तनले धेरै आस जगाएको बताए । मसाजको राजधानीका रूपमा चिनिने ठमेलको भगवती बहाल, नरसिंह चोक, ज्याठा र पकनाजोल क्षेत्रमा झ्याल र गल्लीमा उभिएर यौनकर्मीले ग्राहक बोलाउन छाडेका छन् । धेरै वर्षदेखि विकृति र विसंगतिविरुद्ध लड्दै ठमेललाई ‘पारिवारिक र पर्यटक गन्तव्यु बनाउन लागेका युवा पर्यटन व्यवसायी रमेश पौडेलले आशाका किरण देखिए पनि अझै चमत्कार भइनसकेको बताए ।लैनचौर प्रहरी प्रभागले ठमेलमा यौनजन्य गतिविधि र पर्यटकलाई दुःख दिने हुल्याहाहरूलाई रोक्न सामुदायिक प्रहरीका ६ जना प्रशिक्षित प्रहरीसहित १६ जना नियमित सुरक्षाकर्मी परिचालन गरेको छ । उता दरबारमार्ग प्रहरी प्रभागले समेत ठमेललाई छुने आफ्नो सीमामा निगरानी बढाएर दुई दिनभित्र दुई ग्राहकसहित ८ जना यौनकर्मी महिलालाई पक्राउ गरेर फेरि उक्त क्षेत्रमा नदेखिने सर्तमा छाडेको छ । प्रभागले साँझ र राति सडकमा आएर ग्राहक खोज्ने पेसेवर यौनकर्मीको सूची नै बनाएर नियमित अनुगमन गरिरहेको छ । सबै मिलेर हातमा हात साथमा साथ गर्दै ठमेल क्षेत्रलाई बिशुद्ध पर्यटकीय स्थल बनाउनेतर्फ लाग्नुपर्दछ । अब पनि कोही कसैले ठमेलमा हिड्दा यौन गतिविधिको तिक्तता अनुभव गर्नुपरोस् है ।
