सुगुरले लिङ्ग टोकेर एक व्यक्तिको ज्यान गयो
सिन्धुली, असार २८, सिन्धुली जिल्लामा सुँगुरले लिङ्ग टोकेपछि एक जना मानिसको मृत्यु भएको प्रहरीले जनाएको छ । सिन्धुली निपाने गाविस-३ घर भएका ५६ बर्षीय टेकबहादुर सार्कीको घटनास्थलमा नै मृत्यु भएको हो । उनका छिमेकी ध्रुबबहादुर पूर्वछानेले पालेको सुँगुरले लिङ्ग टोकिदिँदा सार्कीको मृत्यु भएको हो । घटनापछि सार्कीको घटनास्थलमा नै मृत्यु भएको बताइएको छ ।
उक्त सुँगरलाइ कसैले हानेर जिस्काएको हुन सक्ने र त्यसपछि बिच्किएर उक्त सुँगुरले मानिस बसिरहेको ठाउँमा गएर टेकबहादुरको लिङ्ग टोकिदिएको हुन सक्ने प्रहरीले बताएको छ ।
छिमेकी ध्रुबबहादुर पूर्वछानेले पालेको भाले सुँगुर मृतक टेकबहादुले पालेको पोथीसंग खेल्न जाने र अत्यन्तै दुख दिने गरेको छिमेकीहरूले बताएका छन् । गाउँका छिमेकीहरूले १।२ दिनमा नै त्यो पोथी काटेर मासु खाने विचार गर्दैथिए । तर यसो गर्नु अगाडिनै सार्कीलाई सुँगुरले टोकेर मारिदियो, एक छिमेकीले बताए ।
