‘बुद्धका पाइलाहरु’ निर्माण
गौतम बुद्ध नेपालमै जन्मिएको विभिन्न तथ्य प्रमाणहरुसहित तयार गरिएको ‘बुद्धका पाइलाहरु’ नामक वृत्तचित्र आज राजधानीमा विमोचन गरियो । वृत्तचित्रमा बौद्ध–धर्मावलम्वीहरुको आस्था, श्रद्धा र विश्वासको केन्द्रविन्दु गौतम बुद्धको जन्मस्थल लुम्बिनी, बौद्ध धर्म र नेपाललाई चिनाउने विभन्न ठाउँहरु समावेश गरिएका छन् ।
आधा घण्टा लामो यो वृत्तचित्र नेपाली, अंग्रेजी र जापानी भाषामा रहेको छ । अन्य विभिन्न भाषामा पनि अनुवाद गरेर गौतम बुद्ध नेपालमै जन्मिएको कुरा विश्वभरी नै सन्देश दिने उद्देश्य राखिएको छ । डुलसेट मुभिजको ब्यानरमा निर्माण गरिएको यो वृत्तचित्रको लेखन तथा निर्देशन मणिराज अर्यालले गरेका हुन् ।
